Ana səhifə Mobil versiya
28 Sentyabr 2020

AMB uçot dərəcəsi ilə bağlı qərar qəbul edib

Azərbaycan Respublikası Mərkəzi Bankının (AMB) İdarə Heyəti uçot dərəcəsinin 7%-dən 6,75%-ə endirilməsi haqqında qərar qəbul edib.

"APA-Economics"in verdiyi xəbərə görə, bu barədə  AMB-nin İdarə Heyətinin sədri Elman Rüstəmov məlumat verib.

Faiz dəhlizinin aşağı həddi 6,25%, yuxarı həddi isə 7,25% səviyyəsində müəyyən edilib.
Mərkəzi Bankın İdarə Heyətinin faiz dəhlizinin parametrləri barədə növbəti qərarı 2020-ci il 18 sentyabr tarixində ictimaiyyətə açıqlanacaq.

Qeyd edək ki, AMB-nin uçot dərəcəsinə bu il ərzində indiyədək beş dəfə baxıb.

31 yanvar 2020-ci ildə Azərbaycan Respublikası Mərkəzi Bankının İdarə Heyəti uçot dərəcəsinin 25 baza bəndi azaldılaraq 7.5%-dən 7.25%-ə endirilməsi haqqında qərar qəbul edib, faiz dəhlizinin yuxarı və aşağı hədləri uçot dərəcəsinə ±1.75%-lik diapazonda müəyyənləşdirilib (9% və 5.5%).

Daha sonra 19 mart 2020-ci ildə AMB uçot dərəcəsinin 7.25% səviyyəsində dəyişməz saxlanılması haqqında qərar qəbul edib. Faiz dəhlizinin yuxarı həddi 9% saxlanılmaqla aşağı həddi 6.75%-ə qaldırılıb.
1 may 2020-ci ildə isə uçot dərəcəsinin 7.25% və faiz dəhlizinin aşağı həddinin 6.75% səviyyəsində dəyişməz saxlanılması haqqında qərar qəbul edilib. Faiz dəhlizinin yuxarı həddi isə 9%-dən 8%-ə endirilib.

19 iyun 2020-ci ildə AMB uçot dərəcəsinin 7.25%-dən 7%-ə endirilməsi haqqında qərar qəbul edib, faiz dəhlizinin aşağı həddi 6.5%, faiz dəhlizinin yuxarı həddi isə 7.5% səviyyəsində müəyyən edilib.

Bu il ərzində faiz dəhlizinin parametrlərinə dair növbəti qərarların 18 sentyabr, 30 oktyabr və 18 dekabr tarixində açıqlanacağı gözlənilir.

Tarix
30 İyul 2020 [12:17]
Müəllif
Üç nöqtə
Digər xəbərlər
2020-07-30 12:17:27
Xəbər xətti
Foto
Video
Çox oxunanlar
Sorğu
Tibbi maskalardan istifadə edirsiniz?
 bəli
 Xeyr
 Qapalı yerlərdə istifadə edirəm
KİV
Virtual Qarabağ

Ən son xəbərləri səhifəmizdən də izləyin