Belarusun daxili işlər nazirinin müavini Azərbaycana səfərə gələcək

Belarusun daxili işlər nazirinin müavini Aleksandr Barsukov bu gün Azərbaycana gələcək.

Bu barədə "Report"a Belarusun Azərbaycandakı səfirliyindən bildirilib. Səfər çərçivəsində A.Barsukov noyabrın 14-də Bakıda keçiriləcək MDB ölkələrinin Daxili İşlər nazirliklərinin kadrlar üzrə aparat rəhbərlərinin iclasında iştirak edəcək.

Bundan əlavə, nazir müavininin Bakıda bir sıra ikitərəfli görüşlər keçirəcəyi gözlənilir.