Məhkəmə baxışı aprelin 5-nə təyin edilib
Bakı Ağır Cinayətlər Məhkəməsində mənimsəmə və vəzifə səlahiyyətlərindən sui-istifadədə təqsirləndirilən keçmiş Rabitə və Yüksək Texnologiyalar Nazirliyinin Göyçay Telekommunikasiya Qovşağının sabiq müdiri İslam Əliyev və baş mühasibi Soltanəli Məmmədovun cinayət işi üzrə məhkəmənin hazırlıq iclası keçirilib.
Trend-in məlumatına görə, hakim Əhməd Quliyevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib və zərərçəkmiş tərəfin nümayəndəsi 97 min manatlıq mülki iddia qaldırıb.
Məhkəmə baxışı aprelin 5-nə təyin edilib.
İttihama görə, təqsirləndirilən şəxslər 3 milyon 245 min 598 manat məbləğində vəsaiti mənimsəməkdə günahlandırılır.
Təqsirləndirilən şəxslər barədə həbs olmayan qəti imkan tədbiri seçilib.