Türkiyə Silahlı Qüvvələrinin Afrində apardığı "Zeytun budağı" əməliyyatının gedişində dinc sakinlər xəsarət almayıb.
"Ucnoqta.az" Trend-ə istinadən bildirir ki, bunu Türkiyənin milli müdafiə naziri Nurəddin Canikli deyib.
O qeyd edib ki, Türkiyə Ordusu yalnız PYD və YPG terrorçularının mövqelərini məhv edir.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD, YPG və İŞİD terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.