Bakı Ağır Cinayətlər Məhkəməsində 150 min manatdan çox pulu dələduzluq etməklə ələ keçirməkdə təqsirləndirilən Vəfa Qurbanovaya hökm oxunub.
"Ucnoqta.az" "Qafqazinfo"ya istinadən xəbər verir ki, hakim Azər Paşayevin icraatında olan prosesdə V.Qurbanova 7 il müddətinə azadlıqdan məhrum edilib. Lakin onun himayəsində azyaşlı uşağı olduğu üçün hökmün icrası təxirə salınıb.
Sabiq bank əməkdaşı olan V. Qurbanova zərərçəkən Altay Sarıbalayevdən 156 min 200 manat alaraq ona aşağı kursla dollar verəcəyini vəd edib. Sonra isə pulu mənimsəyib.