BMT Təhlükəsizlik Şurası Rusiyanın Türkiyədəki səfiri Andrey Karlovun qətlə yetirilməsi hadisəsini terror aktı adlandırıb və icraçıların cəzalandırılmasına çağırıb. "Report" xəbər verir ki, bu barədə Təhlükəsizlik Şurasının məlumatında bildirilir.
"Təhlükəsizlik Şurası üzvləri terror aktlarının icraçıları, təşkilatçıları və onları maliyyələşdirənlərin məsuliyyətə cəlb olunması vacibliyini bir daha vurğulayırlar", - deyə bəyanatda bildirilir.