Moldova 2030-cu ilə qədər AB-yə üzv olmaq niyyətindədir və buna görə də yayın sonuna qədər Brüssel ilə bütün danışıqlar kanallarını açmağa çalışacaq.
Ucnoqta.az xəbər verir ki, bu barədə Parlamentin sədri və hakim Fəaliyyət və Həmrəylik Partiyasının (PAS) lideri İqor Qrosu bildirib.
"Avropalı tərəfdaşlarımızı bu yayın sonuna qədər bütün altı danışıqlar klasterini açmağa layiq olduğumuza inandırmağa davam edirik. Şərtləri yerinə yetirməyə və qanunları qəbul etməyə davam edirik, sanki bütün klasterləri açmaq üçün rəsmi siyasi qərar vermişik", - Qrosu "Moldova 1" televiziyasında bildirib.
Onun sözlərinə görə, Moldova 2030-cu ilə qədər icmanın üzvü olmaq üçün Avropa Birliyi ilə danışıqları 2028-ci ildə başa çatdırmalıdır.
Qrosu qeyd edib ki, ölkənin daha dörd danışıqlar klasteri açması lazımdır və Kişinyov artıq bu proseslər üçün texniki hazırlıqlara başlayıb.