ABŞ Hörmüz boğazında gəmilərə İran tərəfindən endirilən zərbələrlə əlaqədar İran üçün mümkün nəticələri açıqlayıb.
Ucnoqta.az xəbər verir ki, Reuters bu barədə ABŞ administrasiyasının rəsmilərinə istinadən məlumat yayıb.
Agentliyin məlumatına görə, ABŞ İranın neft sektoruna qarşı sanksiyalarını 21 avqusta qədər yumşaldan lisenziyanın ləğvini Tehranın Hörmüz boğazında gəmilərə hücumları ilə əlaqələndirib.
Vaşinqton bu hücumları tamamilə qəbuledilməz adlandırıb və İslam Respublikasının hərəkətlərinin nəticələrə səbəb olacağını qeyd edib. ABŞ administrasiyasının rəsmisi həmçinin qeyd edib ki, amerikalı danışıqçılar İranla müqavilələrin yekunlaşdırılması üzərində işləməyə davam edirlər.
Reuters ABŞ rəsmilərinə istinadən bildirib ki, İran Hörmüz boğazında ən azı üç kommersiya gəmisinə zərbə endirib.