İslamabad İran və ABŞ rəsmiləri arasında 11 iyulda baş tutması gözlənilən yeni danışıqlar raundu üçün ən çox ehtimal olunan yerdir.
Ucnoqta.az xəbər verir ki, bu barədə Dawn qəzeti diplomatik mənbələrə istinadən məlumat yayıb.
Mənbələrdən biri bildirib ki, texniki danışıqlar üçün iki mümkün yer var: Pakistanın paytaxtı və İsveçrənin Bürgenştok kurortu. Lakin mənbəyə görə, İslamabad ən çox ehtimal olunan seçimdir.
Nəşrin məlumatına görə, bu məsələ ilə bağlı yekun qərar hələ verilməyib.
Diplomatik mənbələrə görə, danışıqlar İranın nüvə proqramı, Tehrana qarşı sanksiyaların ləğvi və aktivlərinin dondurulmasının aradan qaldırılması məsələlərinə yönələcək.