Ermənistan Parlamenti ikinci və son oxunuşda hakim Mülki Müqavilə Partiyası tərəfindən irəli sürülən Seçki Məcəlləsinə dəyişiklikləri qəbul etdi və bu dəyişikliklər vətəndaşların parlament seçkilərində və referendumlarda səs verməsi üçün yaşayış yeri tələbini müəyyən edib.
Ucnoqta.az xarici mətbuata istinadən xəbər verir ki, düzəlişlərin həmmüəllifi Alxas Qazaryan layihəni təqdim edərkən bildirib ki, parlament seçkilərində səsvermə hüququnun 48-ci günə qədər, növbədənkənar seçkilər və referendumlar halında isə seçki günündən əvvəlki 28-ci günə qədər 730 gündən 366 və ya daha çox Ermənistanda yaşayan vətəndaşlara verilməsi təklif olunur.
Bu dəyişikliklər xaricdə diplomatik və ya digər dövlət təyinatlı vəzifələrdə xidmət edən vətəndaşlara, onların ailə üzvlərinə və ya ali təhsil müəssisələrində təhsil alan vətəndaşlara təsir göstərmir.
Birinci və ikinci oxunuşlar arasında artıq qəbul edilmiş layihəyə bir müddəa əlavə edilib ki, ona əsasən, respublikada qalma müddəti hüquq-mühafizə orqanları tərəfindən sərhədi keçmə faktını qeyd etməklə müəyyən ediləcək. Bu məlumatlar elektron platformalar vasitəsilə seçici reyestrinə ötürüləcək.