Fransa hazırda Nayrobidə keçirilən Afrika İrəli Sammitindən sonra Afrika ölkələrinə 14 milyard avro dövlət və özəl investisiya ayıracaq.
Ucnoqta.az xəbər verir ki, bu barədə Fransa Prezidenti Emmanuel Makron tədbir zamanı keçirilən biznes forumundan sonra bildirib.
"Bu gün Afrika qitəsi üçün 23 milyard avro investisiya elan edilib. Bu 23 milyard avrodan 14 milyard avrosu burada təmsil olunan Fransa şirkətlərindən, o cümlədən iri, orta və kiçik müəssisələrdən gələcək", - deyə prezident bildirib.
O, vəsaitin sammitin keçirildiyi Keniyaya, eləcə də Fransa və Afrikada 250.000 iş yeri yaratmaq planı ilə digər Afrika ölkələrinə yönəldiləcəyinə söz verib.