SpaceX və Tesla şirkətlərinin qurucusu Elon Musk tarixdə sərvəti 800 milyard dolları keçərək rekord həddə - 852 milyard dollara çatan ilk şəxs olub.
Ucnoqta.az xəbər verir ki, Forbes jurnalının məlumatına görə, onun rekord sərvət artımı SpaceX-in öz xAI korporasiyasını əldə etməsindən sonra baş verib.
Birləşmiş şirkətin dəyəri 1,25 trilyon dollar olub və nəşrin hesablamalarına görə, Maskın sərvəti 84 milyard dollar artıb.
Məlumata görə, müqavilədən əvvəl Mask SpaceX səhmlərinin təxminən 42%-nə sahib idi ki, bu da 800 milyard dollarlıq qiymətləndirmə ilə 336 milyard dollara, xAI-nin isə 49%-nə - 122 milyard dollara bərabər olub.
Birləşmədən sonra onun birləşmiş şirkətdəki payı 43% və ya 542 milyard dollar dəyərində qiymətləndirilir ki, bu da SpaceX-i onun ən dəyərli aktivinə çevirir.
Bu, Maskın bir ildən az müddətdə ikinci şirkət birləşməsidir. 2025-ci ilin mart ayında o, xAI və X sosial şəbəkəsini birləşdirmişdi.