ABŞ Prezidenti Donald Tramp bir neçə Amerika televiziya kanalını kəskin tənqid edərək, onların xəbər və əyləncə proqramlarının ona və Respublikaçılar Partiyasına qarşı həddindən artıq mənfi olduğunu iddia edib.
Ucnoqta.az xəbər verir ki, o, "Truth Social"da yazıb.
"Əgər telekanalların xəbər buraxılışları və axşam şouları Prezident Donald Trampa, MAGA hərəkatına və Respublikaçılar Partiyasına qarşı demək olar ki, 100% mənfidirsə, onların çox dəyərli yayım lisenziyaları ləğv edilməməlidirmi? Mən "bəli" deyərdim!" - Amerika lideri bildirib.
O, həmçinin CBS, ABC və NBC-də axşam əyləncə proqramlarının aparıcılarını tənqid edərək, onların istedad çatışmazlığı, yüksək maaşlar və son dərəcə aşağı reytinqlər paylaşdıqlarını qeyd edib.