Almaniya kansleri Fridrix Merz hökumətin növbəti bir neçə il ərzində kosmik təhlükəsizlik arxitekturasının yaradılmasına 35 milyard avro sərmayə qoyacağını açıqlayıb.
Ucnoqta.az xəbər verir ki, Merz Berlin Kosmik Texnologiyalarına səfəri zamanı keçirilən mətbuat konfransında deyib.
"Növbəti bir neçə il ərzində Almaniya hökuməti kosmik təhlükəsizlik arxitekturasının yaradılmasına ümumilikdə 35 milyard avro sərmayə qoyacaq. Bu, təkcə müdafiə ilə bağlı deyil, həm də innovasiya və bu texnologiyalardakı təcrübəmizlə bağlıdır", - kansler qeyd edib.
"Bizim bu nazirliyimiz var və biz həmçinin sənaye, sektor və fərdi şirkətlərlə əlaqələr qurmuşuq. Bundan əlavə, biz dövlət vəsaitlərindən istifadə edərək gələcək kosmik uçuş texnologiyalarına sərmayə qoyacağıq", - deyə kansler bildirib.