İsrail tezliklə Qəzzada ölən girovların qalıqlarının yeni qəbulunu gözləyir.
Ucnoqta.az bildirir ki, bu barədə İsrail Baş naziri Binyamin Netanyahunun ofisi məlumat verib.
Məlumata görə, qalıqlar Beynəlxalq Qırmızı Xaç Komitəsinin əməkdaşları tərəfindən İsrail tərəfinə təhvil veriləcək.
Bundan sonra onlar müayinə üçün Təl-Əvivdəki Milli Məhkəmə Tibbi Ekspertizası İnstitutuna göndəriləcək.
Hazırda Qəzzada ölən iki girovun cəsədi qalır.
Ofisin açıqlamasında hər ikisinin, yoxsa onlardan yalnız birinin qalıqlarının qəbulunun gözlənildiyi dəqiqləşdirilməyib. Lakin ofis vurğulayıb ki, İsrail hakimiyyəti "ölən iki girovun ailələri ilə daim əlaqə saxlayır".