Bayden administrasiyası dövründə (2021-2025) müxtəlif səbəblərdən təxminən 100.000 Əfqanıstan vətəndaşı ABŞ-a köçüb.
Ucnoqta.az xəbər verir ki, bu barədə ABŞ-ın Daxili Təhlükəsizlik Katibi Kristi Noem məlumat verib.
Noem bildirib ki, Bayden administrasiyası Əfqanıstandan çıxarılması ilə Amerika tarixində ən ciddi milli təhlükəsizlik böhranlarından birini yaratdı.
O, əlavə edib ki, Donald Tramp administrasiyasının əsas prioritetlərindən biri əvvəlki administrasiyanın bu qərarlarının nəticələrini aradan qaldırmaqdır.
Noem qeyd edib ki, ABŞ Daxili Təhlükəsizlik Departamenti hazırda ölkədəki bütün Əfqanıstan vətəndaşları, o cümlədən onların sosial media hesabları haqqında məlumatları aktiv şəkildə yoxlayır.