Koreya Respublikasının Prezidenti Li Ce Myonq 29 oktyabrda Kyonqjuda keçirilən sammitin nəticələri ilə bağlı birgə məlumat vərəqinin dərc olunmasından sonra ABŞ ilə tarif və təhlükəsizlik danışıqlarının başa çatdığını elan edib.
Ucnoqta.az xəbər verir ki, o, bu barədə brifinq zamanı bildirib.
"İki ölkə arasında iki sammitdə razılaşdırılmış müddəaları özündə əks etdirən məlumat vərəqi tamamlandı", - deyə Li Ce Myong deyib.
"Bu, ticarət danışıqları və təhlükəsizlik məsləhətləşmələrini başa çatdırır", - deyə Cənubi Koreya lideri bildirib.
14 noyabrda ABŞ və Cənubi Koreya sammitin nəticələrini təkrarlayan məlumat vərəqi yayımlayıblar. Məlumat vərəqinin özündə Cənubi Koreyanın ABŞ-a investisiya qoyuluşu ilə bağlı anlaşma memorandumunun tezliklə imzalanacağı bildirilirdi. "Üsyan və milli və sosial qeyri-sabitlik səbəbindən tarif danışıqlarına digər ölkələrdən daha gec başlasaq da, hərbi ittifaqa, qarşılıqlı hörmətə və anlaşmaya əsaslanan güclü etimad sayəsində ən yaxşı nəticəni əldə etdik", - Li Ce Myonq bildirib.