ABŞ prezidenti Donald Tramp tezliklə Braziliya qəhvəsinə tarifləri yenidən nəzərdən keçirə və ya ləğv edə bilər.
Ucnoqta.az xəbər verir ki, CNN Brasil bu barədə məlumat verib.
Qəhvə tarifinin ləğvi cümə axşamı Vaşinqtonda Braziliya xarici işlər naziri Mauro Vieyra ilə ABŞ dövlət katibi Marko Rubio arasında keçiriləcək görüşdə əsas müzakirə mövzularından biri olacaq.
Adı çəkilməyən ABŞ və Braziliya diplomatlarının sözlərinə görə, tariflərin ləğvi məsələsi, çox güman ki, Rubionun özü tərəfindən qaldırılacaq, çünki Tramp artıq ABŞ-da qəhvə qiymətlərini aşağı salmaq üçün "sürətli tədbirlər tələb edib".
Görüşdə iki ölkə arasında yeni ticarət sazişinin hazırlanması gözlənilir.