Cənubi Afrika şirkəti Biovac, oral vəba peyvəndinin klinik sınaqlarını aparmaq üçün Cənubi Afrika hakimiyyətindən icazə alıb.
Ucnoqta.az xəbər verir ki, Cənubi Afrika hökumətinin rəsmi veb saytına görə, sınaq uğurlu olarsa, tamamilə Afrikada istehsal olunan ilk belə peyvənd ola bilər.
Yeni peyvənd həmçinin 50 ildən çox müddətdə Cənubi Afrikada istehsal olunan ilk peyvənd ola bilər.
Klinik sınaqların birinci mərhələsi Vitvatersrand Universitetinin Tədqiqat Mərkəzində keçiriləcək. Mətbuat açıqlamasında bildirilir ki, tədqiqatın gedişatından asılı olaraq, peyvənd 2028-ci ildə Afrika ölkələrində, 2029-cu ildə isə dünyanın qalan hissəsində istifadə üçün təsdiqlənə bilər.