İstanbul sakini boşandıqdan sonra arvadına iki pişiyinin saxlanması üçün pul ödəməyə borcludur.
Ucnoqta.az xəbər verir ki, bu barədə “Hürriyet” qəzeti məlumat yayıb.
Qəzetin yazdığına görə, iki il əvvəl ailə quran cütlük uyğunsuzluq səbəbindən boşanmaq üçün məhkəməyə müraciət edib.
Yerli ailə məhkəməsində baxılan işdə bildirilir ki, qadın boşandıqdan sonra pişikləri özündə saxlayacaq, keçmiş əri isə onların saxlanması üçün 10 il ərzində hər üç ayda 10 min türk lirəsi (təxminən 240 dollar) ödəyəcək.
Qəzet yazır ki, məbləğ hər il inflyasiya əsasında indeksləşdiriləcək.
Hürriyət xəbər verir ki, bu qeyri-adi boşanma işi ilə bağlı məhkəmə iclası yaxın günlərdə baş tutacaq.