Hüquq-mühafizə orqanlarının əməkdaşları Çikaqo və Los-Ancelesdə qeyri-qanuni mühacirlərə qarşı bir sıra əməliyyatlara rəhbərlik edən ABŞ Gömrük və Sərhəd Mühafizəsinin (CBP) yüksək rütbəli zabiti Qreqori Bovinonun qətlinə görə sosial mediada 10 min dollar mükafat təklif edən immiqrantı saxlayıblar.
Ucnoqta.az xəbər verir ki, bu barədə ABŞ Daxili Təhlükəsizlik Nazirliyinin (DHS) rəsmi bəyanatında bildirilir.
Hüquq-mühafizə orqanlarının məlumatına görə, saxlanılan qeyri-qanuni mühacir Latin Kings küçə bandasının üzvüdür. DHS müstəntiqləri Martinezin başqa bir şəxslə Snapchat yazışmalarına giriş əldə ediblər.
Saxlanılan şəxs məmurun olduğu yer haqqında məlumat üçün 2000 dollar mükafat və "onu öldürsəniz" 10.000 dollar mükafat təklif edən mesaj göndərib. Daxili Təhlükəsizlik Departamenti bu mesajı sifarişli adam öldürməyə cəhd kimi qiymətləndirir.