Türkiyənin xarici işlər naziri Hakan Fidan ölkəsinin hava məkanını İsrail üçün bağladığını və türk gəmilərinin İsrail limanlarına daxil olmasını qadağan etdiyini bildirib.
Ucnoqta.az xəbər verir ki, Fidan Türkiyə parlamentinin Qəzza zolağındakı vəziyyətin müzakirə edildiyi fövqəladə iclasında deyib:
"Biz İsraillə ticarəti tamamilə dayandırmışıq, türk gəmilərinin İsrail limanlarına daxil olmasına icazə vermirik. İsrail təyyarələrinin bizim hava məkanımıza daxil olmasına icazə vermirik. İsraillə ticarət əlaqələrini tamamilə dayandıran ikinci ölkə yoxdur".
Türkiyə xarici işlər nazirinin sözlərinə görə, İsrail “aclıqdan silah kimi istifadə edərək” Qəzzaya humanitar yardımın paylanmasının qarşısını alır.