Fələstinin Qəzza zolağında HƏMAS radikal hərəkatının lideri Xəlil əl-Həya bildirib ki, anklavın blokadası altında İsraillə atəşkəs sazişi üzrə gələcək danışıqlar mənasızdır.
Ucnoqta.az xəbər verir ki, o, bu sözləri hərəkatın rəsmi Telegram kanalında dərc olunan müraciətində keçid məntəqələrinin açılması və humanitar yardımın çatdırılmasının təmin edilməsi təklifi ilə çıxış edərkən deyib.
“Qəzza zolağında uşaqlarımızın, qadınlarımızın və xalqımızın blokadası, soyqırımı və aclığı altında danışıqları davam etdirməyin mənası yoxdur.
Xalqımıza ərzaq və dərmanların dərhal çatdırılması gələcək danışıqların məqsədəuyğunluğunun ciddi və həqiqi təsdiqidir”, - deyə əl-Haya bildirib.
Eyni zamanda, HƏMAS-ın anklavdakı lideri Qəzza zolağının əhalisinə hava yolu ilə çatdırılan yardımı tənqid edərək, “beş hava çatdırılmasının həcminin kiçik bir yük maşınına bərabər olduğunu” vurğulayıb.