Tez-tez içilən su böyrəklərin sağlamlığını qoruyur, maddələr mübadiləsini sürətləndirir, dərinin ehtiyac duyduğu nəmi təbii şəkildə təmin edir, enerji verir, məşq zamanı yarana biləcək kramp və sancmaların qarşısını alır. Yaxşı, soyuq su boğaz ağrısına səbəb olurmu? Bir çox insanlar yay istisində belə soyuq su içməyin boğaz iltihabına səbəb olduğunu deyir.
Ucnoqta.az xəbər verir ki, Prof. Dr. Tofiq Özlü açıqlamasında boğaz iltihabı və ya faringit kimi xəstəliklərdə boğaz ağrısını müalicə etmək üçün soyuq su içməyi və ya soyuq qidalar qəbul etməyi tövsiyə edib.
“Yayın istisi ilə əlaqədar demək olar ki, hamımız soyuq su və soyuq sərinləşdirici içkilər içirik. Dondurma kimi soyuq yeməklərə üstünlük veririk. Amma ətrafımızda bizi tez-tez xəbərdar edirlər. Soyuq su içməyin, boğazınız ağrıyacaq, boğazınıza zərər verəcək, xəstələnəcəksiniz kimi xəbərdarlıqlar alırıq. Bunlar doğrudurmu? Soyuq su həqiqətən bizə zərər verə bilərmi? Boğazın iltihabına səbəb olurmu? Tibbi məlumatlara baxdığımızda soyuq su içmək boğaz iltihabına səbəb olmur.
Çünki boğazın iltihabı dediyimiz tonzillit, faringit kimi xəstəliklər mahiyyətcə yoluxucu xəstəliklərdir və bu xəstəliklərin səbəbi virus və ya bakteriya kimi mikroorqanizmlərdir. Beləliklə, soyuq su içdiyiniz üçün boğazınız ağrımayacaq. Əksinə, tonzillit, faringit kimi xəstəliklərdə boğaz ağrısını müalicə etmək üçün soyuq su içmək və ya soyuq qidalar qəbul etmək tövsiyə oluna bilər” - məşhur həkim qeyd edib.
Soyuq su içməyin heç bir zərəri olmadığını qeyd edən Özlü, “Soyuq suyu boğazımızı yandırmayacaq şəkildə içmək faydalıdır. Sakit dincəlməyin və soyuq sudan qurtum içməyin zərəri yoxdur.
İsti və ya soyuq olmasının fərqi yoxdur. Ancaq birdən çox isti və ya soyuq içkilər içmək boğazınızdakı hüceyrələrə zərər verə bilər. Bundan başqa soyuq su içməyin heç bir tibbi zərəri yoxdur.