Bazar günü naməlum şəxs Kubanın Vaşinqtondakı səfirliyinə iki molotov kokteyli atıb.
Ucnoqta.az xəbər verir ki, bu barədə Kubanın xarici işlər naziri Bruno Rodriqes Parrilla bildirib.
"Bu gecə, sentyabrın 24-də Kubanın ABŞ-dakı səfirliyi iki molotov kokteyli atan şəxs tərəfindən törədilən terror aktının hədəfinə çevrilib. Diplomatik missiyanın əməkdaşları arasında itki yoxdur", - deyə departament rəhbəri öz X sosial şəbəkəsində yazıb.
O, hücum edənin saxlanılıb-saxlanılmadığını açıqlamayıb.
Diplomat əlavə edib ki, bu, Kubanın ABŞ-dakı diplomatik missiyasına ilk hücum deyil, hücum edənlərin cəzasız qalması səbəbindən insidentlər təkrarlanır.