Roma Papası Fransisk Vatikanda Ukraynanın Baş naziri Denis Şmıqalla görüşüb.
Ucnoqta.az xəbər verir ki, bu barədə “La Repubblica” məlumat yayıb.
Nəşrin məlumatına görə, tərəflər bir-birlərinə xatirə hədiyyələri təqdim ediblər. Ukrayna nümayəndəsi Müqəddəs Taxt-Tacın rəhbərinə Ukraynadan gətirilən buğda sünbülləri, bombardmandan sağ çıxan xoruz təsviri olan küp və ukraynalıların fotoşəkilləri olan albom hədiyyə edib.
Ukrayna baş naziri yenidən Roma Papasını Ukraynaya dəvət edib.