Çin şirkətləri, o cümlədən biri Çin hökumətinə bağlı olmaqla, Rusiya təşkilatlarına 1000-ə yaxın avtomat, həmçinin hərbi məqsədlər üçün istifadə oluna bilən pilotsuz təyyarə hissələri və bədən zirehləri göndərib.
Ucnoqta.az xəbər verir ki, bu barədə “Politico” ImportGenius aqreqatorunun təqdim etdiyi ticarət və gömrük məlumatlarına istinadən məlumat yayıb.
Nəşr qeyd edir ki, tədarüklər 2022-ci ilin iyun və dekabr ayları arasında həyata keçirilib.
Bildirilir ki, Çinin ən böyük dövlət müdafiə podratçılarından biri olan China North Industries Group Corporation Limited ötən ilin iyununda Amerika M-16-dan sonra modelləşdirilmiş CQ-A tüfənglərini Techkrim-ə göndərib. Hesab-fakturalarda tüfənglər “mülki ov tüfəngləri” kimi qeyd olunub. Nəşr vurğulayır ki, CQ-A Çinin hərbi polisi, eləcə də Filippin, Cənubi Sudan və Paraqvay silahlı qüvvələri tərəfindən istifadə olunur.
Gömrük məlumatlarına görə, 2022-ci ilin sonunda Rusiya təşkilatları Çindən PUA-lar üçün 12 partiya ehtiyat hissələri, həmçinin Türkiyə vasitəsilə göndərilən 12 ton Çin zirehi alıb.
Bundan əvvəl Çinin xarici işlər naziri Qin Qang bildirib ki, Çin Ukraynadakı münaqişənin tərəfi deyil və tərəflərin heç birinə silah vermir.