Cəlilabadda 3-ü azyaşlı olmaqla 5 nəfər qidadan zəhərlənib.
APA-nın xəbərinə görə, hadisə Cəlilabad şəhəri ərazisində baş verib.
Cəlilabad şəhər sakinləri, 1988-ci il təvəllüdlü Almaz Əliqəmbər qızı Abbasova, 1993-cü il təvəllüdlü Zəhra Əliqəmbər qızı Həşimova, 2010-cu il təvəllüdlü Aysel Xəqani qızı Abbaslı, 2012-ci il təvəllüdlü Vüsalə Xəqani qızı Abbaslı və 2013-cü il təvəllüdlü Fatimə Elmin qızı Həşimova zəhərlənib. Onlar rayon xəstəxanasına çatdırılıblar.
İlkin məlumata görə, onlar qəbul etdikləri qidadan zəhərləniblər.
Qeyd edək ki, zəhərlənən şəxslər yaxın qohumdurlar.
Faktla bağlı araşdırma aparılır.