Şəhid Orxan Əsgərovun nəşini, yaralıları və Azərbaycanın İrandakı diplomatik korpusunun nümayəndələrini Bakıya gətirən təyyarə Heydər Əliyev Beynəlxalq Hava Limanına enib.
Ucnoqta.az “Qafqazinfo”ya istinadən xəbər verir ki, şəhid Orxan Əsgərovun cənazəsi fəxri qarovulun müşaiyətilə qarşılanır.
Azərbaycanın İrandakı səfirliyindən təxliyə edilən diplomatları, diplomatik korpusun digar əməkdaşlarını və onların ailə üzvlərini xarici işlər nazirinin müavini Xələf Xələfov qarşılayır.
21:00
Azərbaycanın İrandakı səfirliyinin əməkdaşları Bakıya gətirilir.
Trend-in məlumatına görə, şəhid Orxan Əsgərovun cənazəsi də ölkəyə gətirilir. Artıq Tehrandan Bakıya uçan təyyarə havaya qalxıb.
Yaxın saatlarda təyyarənin Heydər Əliyev Hava Limanına enməsi gözlənilir.
Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə terror hücumu olub. Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Hazırda hadisənin istintaqı aparılır.
20:00
Azərbaycanın İrandakı səfirliyinin əməkdaşlarını Bakıya gətirməli olan təyyarənin uçuş vaxtı 22:00-a qədər təxirə salınıb.
Trend-in əldə etdiyi məlumata görə, buna səbəb isə İran tərəfin tələbi olub.