Kuman yenidən Niderland millisini çalışdıracaq
Ucnoqta.az xəbər verir ki, Niderland Futbol Federasiyası "Twitter" səhifəsində Ronald Kumanın komandanın baş məşqçisi təyin edildiyini açıqlayıb.
59 yaşlı hollandiyalı ilə müqavilə 2026-cı ilin yayına kimi nəzərdə tutulub.
Buna qədər komandanı Lui van Qal çalışdırırdı, 2022-ci il dünya çempionatında onun rəhbərlik etdiyi komanda 1/4 finala yüksəlib.
Kuman 2018-2020-ci illərdə Hollandiya millisini çalışdırıb, daha sonra 2021-ci ilin oktyabrında tərk etdiyi "Barselona"ya rəhbərlik edib.
Emin