Rusiya Baş Qərargahı üç uşaqlı atalar üçün Ukrayna ilə müharibəyə səfərbərlik möhlətini ləğv edib.
Ucnoqta.az xəbər verir ki, bu barədə Dövlət Dumasının Ailə, Qadın və Uşaq Komitəsinin sədri Nina Ostanina TG kanalında məlumat verib.
Onun sözlərinə görə, bu barədə o, Prezident yanında İnsan Haqları Şurasının üzvü İrina Kirkora ilə görüşü zamanı xəbər tutub. Kirkora bildirib ki, dekabrın sonunda Rusiya Baş Qərargahı 4 oktyabr 2022-ci il tarixli öz direktivini ləğv edib. Eyni zamanda, bu barədə Baş Qərargahın özündən heç bir rəsmi açıqlama verilməyib.
Yanvarın 13-də təxirə salınmanın ləğvi barədə Trans-Baykal diyarının hərbi komissarı Yuri Şuvalov bildirib. Şuvalovun sözlərinə görə, 4 oktyabr sənədi 21 dekabr qərarı ilə “tamamilə ləğv edilib”.
Rusiya Federasiyasında qüvvədə olan qanuna görə, 16 yaşına çatmamış dörd və ya daha çox uşaq varsa, möhlət tələb olunur. Səfərbərlik başlayandan sonra Baş Qərargah üç uşaqlı kişilərə möhlət verilməsi ilə bağlı göstəriş verib. Müdafiə Nazirliyi bunu xoşməramlı jest adlandırıb. Təlimatlar rəsmi istifadə üçün idi və rəsmi olaraq dərc edilməmişdir.
Bildirilir ki, dekabrın sonunda onlar da rəsmi dərc edilmədən ləğv ediliblər.
Emin