Türkiyənin İraqdakı hərbi bazası raket atəşinə tutulub

İraqın şimalındakı Neyva əyalətində yerləşən Türkiyənin Zlikan hərbi bazası raket atəşinə tutulub. “Report” xəbər verir ki, bu barədə “Əl-Sumariya” telekanalı məlumat yayıb. Qeyd olunub ki, hərbi baza istiqamətində 3 raket atılıb. Xatırladaq ki, iyulun 20-də İraqın şimalındakı Zaxo kurort şəhərinin atəşə tuultması nəticəsində 9 nəfər həlak olub, daha 33 nəfər yaralanıb. İraq hakimiyyəti hücumda Türkiyəni ittiham edib. Öz növbəsində Türkiyənin xarici işlər naziri Mövlud Çavuşoğlu Ankaranın İraq mövqelərinə heç bir hücum etmədiyini bildirib.