"İyunun 29-da Şuşa şəhərində Milli Məclisin Səhiyyə və Əmək və sosial siyasət komitələrinin birgə iclası keçiriləcək".
Bunu parlamentin Səhiyyə komitəsinin sədri Əhliman Əmiraslanov Milli Məclisin İqtisadi siyasət, sənaye və sahibkarlıq komitəsinin iclasında deyib.
Onun sözlərinə görə, toplantıda icbari tibbi sığorta ilə bağlı məsələlər müzakirə olunacaq: "Yığıncaqda İcbari Tibbi Sığorta üzrə Dövlət Agentliyinin nümayəndələri də iştirak edəcəklər".