Naftalanda yol qəzası baş verib, xəsarət alanlar var
19:06 - 14 Fevral 2022 tarixində dərc olunub.
Naftalan şəhərində yol qəzası baş verib, xəsarət alanlar var.
"Report"un məlumatına görə, hadisə Qaşaltı Qaraqoyunlu kəndində qeydə alınıb.
Minik avtomobilinin yük maşınına çırpılması nəticəsində Naftalan sakinləri - 1988-ci il təvəllüdlü N.Kazımov və 2000-ci il təvəllüdlü A.Kazımova müxtəlif dərəcəli bədən xəsarətləri alıblar. Hər iki yaralı xəstəxanaya yerləşdirilib.
Faktla bağlı araşdırma aparılır.
