Bərdə rayonunda ölümlə nəticələnən yol qəzası baş verib.
Trend xəbər verir ki, hadisə rayonun Qaradəmirçi kəndində qeydə alınıb. "Mercedes" markalı minik avtomobili yoldan çıxaraq ağaca çırpılıb. Qəza nəticəsində 1 nəfər ölüb, 3 nəfər ağır yaralanıb.
Belə ki, 1960-cı il təvəllüdlü Əsədov Əliağa Kazım oğlu aldığı ağır xəsarətlər nəticəsində yerindəcə həyatını itirib. 2006-cı il təvəllüdlü Əhmədli Nihat Taleh oğlu, 1990-cı il təvəllüdlü Hacıyev Nazir Araz oğlu,1965-ci il təvəllüdlü Əkbərov Arif Kamran oğlu müxtəlif dərəcədə bədən xəsarətləri alıblar.
Yaralılar Bərdə Rayon Mərkəzi xəstəxanasına çatdırılıb. Vəziyyətləri orta ağır qiymətləndirilir.