Niderland polisi koronavirus infeksiyası satmaqda şübhəli bilinən şəxsi saxlayıb.
Ucnoqta.az Lent.az-a istinadla xəbər verir ki, saxlanan şəxs dələduzluqda ittiham edilir. Belə ki, o, jaikwilcorona.nl. saytı vasitəsilə koronavirus infeksiyası satışını təşkil edibmiş. Saytdakı məlumata görə, flakonu qıraraq içindəki mayeni içən şəxs COVİD-19-a yoluxur və beləcə, vaksin vurdurmaqdan azad olunur. Bir flakonun çatdırılma qiyməti 35 avro (təxminən 70 AZN) müəyyən edilib.
Polis satış aparan sayta girişi bloklayıb, flakonların tərkibi isə laboratoriyada araşdırılır.