Yevlaxda bir ailənin 5 üzvü dəm qazından zəhərlənib.
APA-nın xəbərinə görə, hadisə Yevlax şəhəri Fəxrəddin Kərimov küçəsində qeydə alınıb.
32 yaşlı Həsənova Elza Elsəvər qızı, 30 yaşlı Həsənova Brilliant Elsəvər qızı, 9 yaşlı Kərimov Mehdi Sadiq oğlu, 7 yaşlı Kərimova Rəhimə Sadiq qızı və 3 yaşlı Kərimov Məhəmməd Sadiq oğlu zəhərlənmə diaqnozu ilə Yevlax Mərkəzi Rayon Xəstəxanasına çatdırılıb. Hazırda ailənin bütün üzvlərinin vəziyyətləri stabildir. Onlar ilkin müalicə və müayinə olunduqdan sonra evə buraxılıblar.