Göygöldə yol qəzasında 3 azyaşlı xəsarət alıb

Göygöldə yol-nəqliyyat hadisəsi baş verib.

APA-nın məlumatına görə, rayon Mərkəzi Xəstəxanasının qarşısında “Hyundai” və “VAZ 2106” markalı avtomobillər toqquşub.

Nəticədə avtomobillərdə olan 2020-ci il təvəllüdlü Hüseynzadə Bahar Elnur qızı, 2019-cu il təvəllüdlü Hüseynzadə Uğur Seymur oğlu və daha bir azyaşlı müxtəlif bədən xəsarətləri alıblar. Onlardan birinin vəziyyətinin ağır olduğu bildirilir.

Hadisə yerinə DYP əməkdaşları cəlb olunub.

Faktla bağlı araşdırma aparılır.