"Barselona" futbol komandasının 33 yaşlı argentinalı hücumçusu Lionel Messi futbolun şəxsi həyatındakı əhəmiyyətindən danışıb.
Bu barədə “El Mundo” məlumat yayıb.
"Pul daha yaxşı yaşamağa imkan verir, amma o mənə ilham vermir. Mən futbol oynamaq üçün yaşayıram, onun maliyyə xeyrinə görə yox. Mən özüm üçün deyil, komanda üçün oynayıram", - Messi deyib.
Messinin "Barselona" ilə razılaşması 30 iyun 2021-ci ilə qədər qüvvədədir. Argentinalı hücumçu ötən yay Katalon klubundan getməyə cəhd edib, ancaq sonra komandada qalmağa qərar verib. Otuz üç yaşlı oyunçuya əsas iddialılar "Mançester Siti" və PSJ-dir.
Cari mövsümdə kapitan "Barselona"da 23 matçda iştirak edərək 15 qol vurub, 6 məhsuldar ötürmə edib.///report
www.ucnoqta.az