Gəncədə yaşayış binasında partlayış olub.
Hadisə şəhərin İsaq Cəfərov küçəsindəki beşmərtəbəli yaşayış binasının Ziyafət Babayevaya məxsus birinci mərtəbədəki evdə baş verib. Yanğınla nəticələnən partlayış nəticəsində ümumi sahəsi 25 m² olan 1 otaqlı mənzilin yanar konstruksiyaları 16 m² sahədə yanıb. Partlayış dalğasının təsirindən otağın qapı və pəncərə çərçivələri yerindən çıxıb.
Yanğın zamanı 5 nəfər bina sakini təhlükəsiz əraziyə təxliyyə olunub. Mənzilin qalan hissəsi yanğından mühafizə olunub. Alov yanğından mühafizə bölmələri tərəfindən söndürülüb.
Partlayışın qaz sızmasından baş verdiyi bildirilir. /qafqazinfo
