“Talassemiyasız gələcək” hesabat tədbiri
Təhsil nazirliyinin elan etdiyi “TƏHSİLDƏ İNkİŞAF VƏ İNNOVASİYALAR ÜZRƏ 2-ci qrant müsabiqəsi“-nin fərdi kateqoriyalar üzrə qalibi Süleymanova Vüsalə Oqtay qızının “Şagirdlərin talassemiya xəstəliyi haqqında maarifləndirilməsi" layihəsi öz işini uğurla yekunlaşdırıb. 16 noyabr 2018- ci il tarixdə Səbail rayon 329 nömrəli tam orta məktəbdə layihənin yekun hesabat tədbiri keçirilib. Tədbirdə layihə çərçivəsində əməkdaşlıq etdiyimiz məktəblərdən direktorlar və biologiya müəllimləri, 329 nömrəli məktəbin müəllim və valideyin kollektivi , BŞTİ-dən,Təhsil inistitundan, Genetika inistitundan dəyərli qonaqlar iştirak edib. 
Tədbirdə dəyərli qonaqları məlumatlandırmaq üçün layihə çərçivəsində keçirilən tədbirlərdən və görüşlərdən hazırlanmış videoçarx nümayiş etdirilib . Layihə rəhbəri S.Vüsalə layihənin məqsədi, mahiyyəti, layihə çərçivəsində görülən işlər və əldə olunan nəticələr haqqında iştirakçılara məlumat verdi. Tədbirdə çıxış edən qonaqlar müasir dövrün bəlasına çevrilmiş irsi qan xəstəliyi talassemiyanın qarşısının alınması üçün bu cür maarifləndirmə işlərinin mütəmadi aparılmasının vacibliyini vurğuladilar və V.Süleymanovaya uğurlar diləyiblər.
Layihə çərçivəsində keçirilən tədbirlərdə aktiv iştirak edən şagirdlər bu layihədə Talassemiya xəstəliyi haqqında öyrəndiklərini ətraflı şəkildə tədbir iştirakçılarına çatdırıblar. Səbail rayon 329 nömrəli məktəbin direktoru Sevil Əliyeva öz çıxışında təhsilin dövlət tərəfindən daim diqqət mərkəzində olduğunu, müəllimlərin innovaiv fikirlərinin reallaşmasında bu cür müsabiqələrin böyük rolu olduğunu və layihədə qarşıya qoyulan vəzifələrin uğurla və peşəkarcasına həyata keçirildiyini qeyd edib . Sonda butun tədbir iştirakçılarina layihə çərçivəsində hazırlanmış talassemiya xəstəliyi haqqında ətraflı məlumatlar yerləşdirilmiş informativ kitabça və bukletlər paylanıb.