SOCAR-AQŞ “Günəşli” yatağındakı 7 nömrəli stasionar dəniz özülündən 324 nömrəli quyuda qazma işlərinə başlayıb.
Bu barədə Ucnoqta.az Müəssisədən AZƏRTAC-a bildirilən məlumata istinadən xəbər veir ki, quyunun Balaxanı X horizontuna qazılması planlaşdırılır. Quyunun layihə dərinliyi 2750 metr təşkil edir.
SOCAR-AQŞ digər quyularda olduğu kimi bu quyunu da Sağlamlıq, Texniki Təhlükəsizlik və Ətraf Mühitin Mühafizəsi (STTƏMM) tələblərinə uyğun, heç bir mürəkkəbləşməyə yol vermədən, nəzərdə tutulan vaxtdan tez və iqtisadi səmərəli şəkildə tikərək sifarişçiyə təhvil verməyi planlaşdırır.
Quyunun sifarişçisi SOCAR-ın “Azneft” İstehsalat Birliyidir.