Hindistanın şərqində yerləşən Qərbi Benqal əyalətində güclü yağışların, o cümlədən məşhur turizm məkanı Darjeelinqdə bir sıra sürüşmələrə səbəb olması nəticəsində azı 23 nəfər ölüb.
Ucnoqta.az xəbər verir ki, bu barədə PTI xəbər agentliyi məlumat yayıb.
Ölənlər arasında uşaqlar da var.
Yerli hakimiyyət orqanlarının hesablamalarına görə, güclü yağışlar son on ildə regionda ən pis sürüşmələrdən birinə səbəb olub. Fırtınanın şiddəti çoxlu kəndlərə ziyan vurub, əsas yolları bağlayıb. Hadisə yerində xilasetmə xidmətləri işləyir. Dağıntılar altından bir neçə nəfər xilas edilib.
Səlahiyyətlilər Darjeelinqdə qurbanlar arasında turistlərin ola biləcəyi ehtimalını istisna etmir. Əyalətin paytaxtı Kolkata və Hindistanın digər şəhərlərindən minlərlə turist Durga Puja festivalı üçün bu turizm məkanına axın edir.
Xilasedicilər turistlərin zərər çəkmiş ərazilərdən təhlükəsiz təxliyəsi üçün tədbirlər görür.