İsrailin baş naziri Binyamin Netanyahu martın 1-də sazişin birinci mərhələsi üçün ayrılan 42 gündən sonra Qəzzada atəşkəs razılaşmasının ikinci mərhələsinin həyata keçirilməsi perspektivləri ilə bağlı iclas keçirəcək.
Ucnoqta.az xəbər verir ki, bu barədə Ynet portalı məlumat yayıb.
Məlumata görə, görüşdə həmçinin gələn həftə Qahirədə və ya Dohada baş tutması gözlənilən məsləhətləşmələrdə Qəzza razılaşmasının ikinci mərhələsini müzakirə etmək üçün İsrailin nümayəndə heyətini göndərib-göndərməyəcəyi müzakirə olunacaq.
İsrail Nazirlər Kabinetinin rəhbərinin ofisinin müşaviri Dmitri Gendelman bildirib ki, "Həmas" əsirliyində hazırda həm sağ, həm də terrorçular tərəfindən öldürülən 59 girov var.