Ottava Kiyevə 764 milyon Kanada dolları (540 milyon dollar) dəyərində hərbi yardım verəcək.
Ucnoqta.az xəbər verir ki, bu barədə Ukraynanın baş naziri Denis Şmıqal X-də məlumat verib.
Baş nazir bildirib ki, vəsait silah-sursat, təlim və digər resurslar üçün istifadə olunacaq.
Mesajda qeyd olunduğu kimi, parlamentdə baxılan sənədə Beynəlxalq Valyuta Fondunun xüsusi hesabından 400 milyon Kanada dolları (283 milyon dollar) və humanitar minatəmizləmə və kiber davamlılığın gücləndirilməsi üçün 45 milyon Kanada dolları (31,8 milyon dollar) məbləğində maliyyə yardımı da daxildir.