Çin yeni J-35A gözə görünməyən qırıcısını Çjuhayda keçiriləcək Airshow China 2024 beynəlxalq aerokosmik sərgisində təqdim etməyə hazırlaşır.
Ucnoqta.az xəbər verir ki, bu barədə RİA Novosti Çin Xalq Azadlıq Ordusunun Hərbi Hava Qüvvələrinin silah idarəsinin nümayəndəsi polkovnik Niu Venboya istinadən məlumat yayıb.
Bu sərgi noyabrın 12-dən 17-dək Çinin cənubundakı Quanqdonq əyalətində keçiriləcək.
O, qeyd edib ki, J-35A orta ölçülü çoxməqsədli gözə görünməyən qırıcı 15-ci Çin Hava Şousunda nümayiş etdiriləcək.
Həmçinin bu sərgidə Hun-19 raket sistemi və yeni çoxfunksiyalı hücum və kəşfiyyat pilotsuz uçan aparatı ilk dəfə təqdim olunacaq və Y-20 təyyarəsinin yük bölməsi də yoxlamaya təqdim olunacaq.