İngiltərənin “Tottenhem” klubunun baş məşqçisi Angelos Postekoqlu Avropa Liqasının əsas mərhələsinin açılış turunda “Qarabağ” üzərində qazanılan qələbəni (3:0) şərh edib.
Ucnoqta.az xəbər verir ki, klubun rəsmi saytına açıqlama verən avstraliyalı mütəxəssis dünənki görüş haqda bunları deyib:
“Qarabağ”la oyuna istədiyimiz kimi başlaya bilmədik. Oyunu özümüz üçün çətinləşdirdik. Reaksiyamız yaxşı alındı. Lakin bu duruma düşdüyümüz üçün məyusuq. Açığı, biz lazımi şəraitdə istənilən tapşırığın öhdəsindən gələn komanda olmaq istəyirik. Meydanda on nəfərlə qalanda bəzən bu qədər aqressiv ola, uzun müddət topu saxlaya və ya asanlıqla oynaya bilmirsən. Amma niyyət bu idi. İlk qolumuz təzyiqimiz altında vuruldu. On nəfərlə yüksək təzyiq göstərdik və topu qazandıq, bu da istədiyimiz kimi oldu və nəticədə qolla nəticələndi. Bu, bizim olmaq istədiyimiz komanda növüdür və qarşımıza hansı vəzifə qoyuruqsa, onu bu şəkildə həll etməliyik".///Sportal.az
