Xəbər verdiyimiz kimi, Azərbaycan Yerüstü Nəqliyyat Agentliyi (AYNA) tərəfindən "Koroğlu" metrostansiyasının cənub çıxışında nəqliyyat mübadilə mərkəzi yaradılır.
Ucnoqta.az xəbər verir ki, artıq sözügedən mübadilə mərkəzi hazırdır. Ərazidə yeni dayanacaqlar quraşdırılıb, asfalt örtüyündə xətlənmə işləri aparılıb. Yaxın zamanlarda mərkəzin istifadəyə verilməsi gözlənilir.
Hazırda avtobus dayanacağı "Koroğlu" metrostansiyasının şimal çıxışında yerləşir.
Qeyd edək ki, bu, Bakıətrafı kənd və qəsəbələrə gedən sərnişinlərin rahatlığı üçün nəzərdə tutulub.
Həmçinin minik avtomobilləri və taksilər üçün parklanma yerləri təşkil ediləcək.