UEFA Çempionlar Liqasının 1/4 final mərhələsinin ilk oyununda bu axşam evdə "Mançester Siti" ilə "Real Madrid" qarşılaşacaq.
Ucnoqta.az xəbər verir ki, Santiaqo Bernabeuda oynanılacaq qarşılaşma ilə iki komanda 11-ci dəfə üz-üzə gələcək.
Qarşılaşmanın cavab oyunu çərşənbə günü, aprelin 17-də Etihad Stadiumunda oynanılacaq.
"Real Madrid" və "Mançester Siti" UEFA Çempionlar Liqasında indiyədək 10 dəfə qarşılaşıb. Sözügedən yarışlarda “Siti” 4 dəfə qalib gəlib, “Real Madrid” rəqibini 3 dəfə üstələyib. İki komanda arasında keçirilən hər 3 qarşılaşma heç-heçə başa çatıb. Bu görüşlərdə “göy-ağlar” 17 qol vurduğu halda, “bənövşəyi-ağlar” 14 qolla cavab verib.
İki komanda sonuncu dəfə ötən mövsüm UEFA Çempionlar Liqasının yarımfinal mərhələsində mübarizə aparıb. İlk görüş 1:1 hesablı heç-heçə ilə bitdiyi halda, cavab görüşündə Madrid təmsilçisini 4:0 hesabı ilə məğlub edən “Mançester Siti” finala yüksəlib.
Hər iki komanda bu mövsüm Çempionlar Liqasında məğlubiyyətsizdir.