“Əl-Nasr”ın portuqaliyalı hücumçusu Kriştianu Ronaldo Səudiyyə Ərəbistanı Superkubokunun (SA) yarımfinal mərhələsində “Əl-Hilal”la matçda birbaşa qırmızı vərəqə alıb.
Ucnoqta.az xəbər verir ki, bu barədə “Championship” məlumat yayıb.
Hücumçu 86-cı dəqiqədə qeyri-idman hərəkətinə görə meydandan qovulub. Ronaldo topu cəld təmasdan çıxarmağa çalışıb və dirsəyini rəqib oyunçu Əli Əl-Bulaihinin sinəsinə vurub, nəticədə o, qazona yıxılıb.
Bundan sonra meydanda futbolçular arasında dava düşüb. Meydanı tərk edən Ronaldo hakimə tərəf əlini yelləsə də, sonradan aşağı salıb. Daha sonra o, hakimə və azarkeşlərə təşəkkür edib. Görüş 2:1 hesabı ilə "Əl-Hilal"ın xeyrinə başa çatıb.